Свята-Георгіеўская царква (Сінкевічы)
| Праваслаўны храм | |
| Свята-Георгіеўская царква | |
|---|---|
.jpg) | |
| 52°12′57,87″ пн. ш. 27°15′19,6″ у. д.HGЯO | |
| Краіна |
 Беларусь |
| Аграгарадок | Сінкевічы |
| Канфесія | Беларуская праваслаўная царква |
| Епархія | Пінская і Лунінецкая |
| Архітэктурны стыль | Усходнепалеская школа дойлідства |
| Будаўніцтва | XVII—XVIII стагоддзі |
| Статус |
 Гісторыка-культурная каштоўнасць Беларусі, шыфр 112Г000469 |
 |
|
 Медыяфайлы на Вікісховішчы | |
Свята-Георгіеўская царква — праваслаўны храм у вёсцы Сінкевічы, Лунінецкі раён, помнік драўлянага дойлідства.
Храм разам са званіцай-брамай, размешчанай на адной восі з ім, пабудаваны ў XVIII ст. на вясковых могілках[1].
Апісанне
[правіць | правіць зыходнік].jpg)
Размешчана на ўсход ад вёскі, на могілках. Царква пры адсутнасці дэкору вылучаецца вытанчанасцю прапорцый, пластычнасцю малюнка, маляўнічай шатровай яруснасцю[2]. Тут захоўваюцца абразы: «Дабравешчанне» (XVIII ст.), «Нараджэнне Хрыстова» (мяжа XVIII—XIX стст.), «Маці Божая з дзіцем», «Святыя Касма, Аляксей і Дзям'ян» (абодва XIX ст.)[2].
Царква і званіца — помнікі народнага драўлянага культавага дойлідства палескай школы рэспубліканскага значэння[1].
Архітэктура
[правіць | правіць зыходнік]Царква ўяўляе сабой трохзрубную пабудову з прамавугольнымі ў плане аб’ёмамі роўнай вышыні. Цэнтральны зруб завершаны невысокім чацверыком, накрыты чатырохсхільным шатром (унутры васьмісхільным). Алтарны зруб і бабінец пад вальмавымі дахамі з невялікімі гранёнымі галоўкамі.
З захаду, на адлегласці 10 метраў ад царквы, размешчана зрубна-каркасная званіца, звонку двух’ярусная, мае схаваны прамежкавы ярус і накрыта чатырохсхільным шатром. У 1978—1980 гг. сцены будынкаў вертыкальна ашаляваны дошкамі з нашчыльнікамі і аздобленыя падзорам.
Зноскі
- ↑ а б Сінкевічы Архівавана 12 лістапада 2013.
- ↑ а б Сінкевічы (Лунінецкі раён). Царква ў імя святога велікамучаніка Георгія Перамаганосца Архівавана 5 сакавіка 2016.
Літаратура
[правіць | правіць зыходнік]
- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4
Спасылкі
[правіць | правіць зыходнік]
На Вікісховішчы ёсць медыяфайлы па тэме Свята-Георгіеўская царква (Сінкевічы)
- Свята-Георгіеўская царква (Сінкевічы) на сайце Radzima.org
- Свята-Георгіеўская царква (Сінкевічы) на сайце Глобус Беларусі (руск.)
- Свята-Георгіеўская царква (Сінкевічы) на сайце «Архіварта»